الضرب .. عموما الضرب من رأى الشخصى عمره ماكان طريقه ابدااااااا للتربية بالعكس دا طريقة لزرع الكراهية والحقد فى نفس الطفل من جهة الام او الاب فى ناس كتير هتقول ان الضرب جاب نتيجة كويسة مع الاولاد وانهم اتعلموا الادب ومش ممكن يغلطوا عشان عارفين العقاب ايه وعارفين انهم هيتضربوا .. لا انا مش معاكم خالص فى النقطة دى وبشكل شخصى شويه انا فعلا بتكلم فى الموضوع دا عان اتضربت وانا طفلة والنتيجة عكسية تماما معايا وفعلا جت فترة وحسيت بالكره ناحية والدى ووالدتى لان الضرب كان فظيع بجد مش بأيدهم طبيعى يعنى لو بأيدهم كان ارحم ........ ماعتقدتش ان انتا / انتى هتروحى تجيبى سلك الكهربا او حزام او خرزانة او خرطوم عشان تضرب ابنك او بنتك وتقولوا بنربى ولادنا ازاى بتربيهم على الخوف والجبن والكره وهما لسه فى بداية حياته مفكرتيش ان انتى /انتا ممكن تكون سبب فى ان الولاد يصابوا بعقدة نفسية ويحاولوا كمان انهم يطبقوا دا مع اصحابهم وزمايلهم فى المدرسة الجيران والقرايب كمان ممكن يحصل مشكلة كبيرة بسبب ضربك ليهم
بجد بجد مش طريقة لتربيه طفل لسه بيبتدى يشق طريقه فى الدنيا
___________________
الشتم والسب .. امام الطفل بردو مش كويس خالص تعملوا كدا الام تشتم على الاب والعكس وكل دا قدام الولد او البنت اللى لسه مش عارفين حاجه طيب ما ممكن يرددوا الكلام اللى انتوا قولتوه وتبقى الليلة ليله بجد ويبقى السبب فى انفصالكم طيب ليه دا ربنا عرفوه بالعقل .. ليه اخرب بيتى واشرد ولادى بين اهلى واهل جوزى وانا فى عرض قربهم منى وهما فى عرض قربى منهم وحضنى اللى مش هيكون فى حد احن عليهم منى
غلط .. لانه ممكن يردد دا فى الشارع فى المدرسة فى بيت الاهل والاقارب ويقولوا عليه اهله ماعرفوش يربوه .. ليه اخلى حد يقول على ولادى كدا وانا اللى بتعب فى تربيتهم
________________
اسيبكم دلوقتى وهحاول اكمل لان العنف فى حاجات كتير مش بس كدا
هتقولولى هو التفضيل نوع من انواع العنف هقول ايوة فعلا نوع من انواع العنف
طيب ليه .....؟؟ هقولكوا لان التفضيل بين الاولاد شىء يبقى صعب على الطفل سواء فى نفسه
او تعامله مع اخواته يعنى انا دلوقتى هديكوا مثال على التفضيل بين الاخوات بيعمل ايه ,,,,,,,
هما اتنين اخوات بنات عموما البنت الاولى شاطرة فى دراستها وبتسمع الكلام على طول ومش بتناهد فى اهلها
كتير وبتلبى رغباتهم على طول .. التانية عادى اوى مش بتذاكر كتير ومش شاطرة اوى لدرجة ومش بتسمع الكلام كتير يعنى مش بتلبى رغبات الاهل بطريقة سريعة ومش دى المشكلة لان دى حاجه تانيه محتاجة موضوع تانى عشان نتكلم فيه
نرجع للى حصل بعد كدا كان التفضيل من جهة الاب بس كان دايما الاب يقول اختك بتسمع الكلام اختك عملت واختك سويت
بقى مافيش غير اختك .. اختك على لسانه البنت تعبت من كتر مابيتكلم كدا عن اختها فبدات تكره اختها وتتعامل معاها بطريقة مش كويسة كانت دايما تعاملها بأسلوب يوضح لاى شخص انها بتكرها وبتحقد عليها وكدا...
ودى نتيجة متوقعه لانها كانت بتلاقى اختها فى المركز الاول دايما عند باباها يعنى كل رغباتها باباها بيلبيهالها
وهى لا .. لما تبقى عايزة فستان مثلا يجيب لاختها وهى لا وكدا لحد ما البنت زى ماقولنا بقت تكره اختها
من فرق المعاملة والتفضيل
والعنف كلـــــــــه عباره عن كراهية وحقد من قبل الاطفال
ونتابع معاكم مرة تانية
اشوفكم على خير ومع جزئية تانية من العنف
15-04-2008, 04:37 PM
العنــــــف .. مش طريقة لتربية الطفل 
المواضيع المتشابهه 
العرض العادي
